Eftir lítinn sem engann svefn beið ég eftir að vekjaraklukkan hringdi kl. 04:50 í morgun! Við Anna erum búnar að snúa sólarhringnum alveg við og þ.a.l. gat maður ekki sofnað í gærkvöldi, þannig að þá var smááá erfitt að koma sér á fætur í ,,nótt" :)
 
Fyrsti vinnudagurinn minn og annar hjá Önnu. Við s.s. fengum vinnu hjá fyrirtæki sem heitir Vikargruppen. Það má kalla þetta eins konar ráðningarskrifstofu. Við héldum fyrst að þeir væru bara með svona rengöring en fólk er að vinna við margt annað eins og t.d. í mötuneytum, með fötluðum, garðvinnu, alls konar þrif á mismunandi stöðum og verkamannavinnu. Karlinn fann strax laust fyrir Önnu að vinna á þriðjud í mötuneyti einhvers staðar í Lufthavnen, það var ákveðið stress að komast þangað en það reddaðist á endanum. Hann hringdi svo í mig í gær og spurði hvort ég vildi prófa í tvo daga að þrífa í Tivoli. Ég tók því og ég get sagt það að ég hlakka ekkert rosalega að fara aftur í fyrramálið! Anna pí** fer aftur í sama mötnuneytið sem hún var að vinna í í dag og henni líkar ágætlega þar. Þar fær hún að skera niður grænmeti, setja brauð í ofn, þurrka af borðum og í versta falli hjálpa uppvask-dömunni ;)

Ég get ekki sagt að ég hafi skemmt mér eins vel í morgun, ég er ekki að kvarta en þeir sem þekkja mig vita hversu hrikalega klígjugjörn ég er á allt í sambandi við klósett og að þrífa það og svona. Í dag fékk ég sko að þrífa klósett !!!!!!!! Jahh, það gekk ágætlega með grettum og tilheyrandi klígju og skemmtilegheitum. Ég kúgast eiginlega aftur við tilhugsunina. Þetta voru ekkert ógeðslega klósett en þetta voru almenningsklósett og það er nóg fyrir mig.  OG helvítis pissuskálarnar!! mmmmm :) Konan lét mig fá tvær tuskur og tvo viskastykki og svo var ég með svona gamaldags skúringagræjur. Sko, ég var að þrífa örugglega tuttugu klósett í dag eða meira og þá er ég ekki með fjórar tuskur þegar ég þarf að þrífa vaska og klósett inní og utan. Ég var farin að nota bara bréf. Ógeeeeheeeð! hahaha Síðan í endann var ég að skúra, þetta var svona lítið leikhús í Tivoli og ég ætlaði að fara að skifta um vatn, síðan kom e-r hundleiðinlegur karl með hatt og fussaði og spurði af hverju við værum svona lengi(mér var sagt að við værum á góðum tíma, við vorum bara tvö með allt leikhúsið og ég gerði aðeins meira en hann, hann var í 4 tíma að sópa hjá sætunum), ég sagði bara, ég veit það ekki, þetta er fyrsti dagurinn minn. Hann spurði hvaðan ég væri og þá kom reyndar betri svipur þegar hann heyrði að ég væri fra Island. En þá hætti ég við að skipta um vatn! Ég horfði ofan ég skítuga vatnið hjá vinnufélaganum mínum og hugsaði, pfff, ég geri þá bara eins og hann og dreifi skítnum um gólfin! híhí Guð, ekki segja neinum.

Nóg um það, við mætum hressar aftur í vinnuna í fyrramálið og vonum að fá e-ð betra seinna. Það getur verið að seinna meir getum við unnið á sama stað en ekki svona fyrst sagði karlinn. Þetta er þannig að við fyllum út á blað eftir hvern dag hversu marga tíma maður vann og hjá hvaða fyrirtæki og svo þarf yfirmaður að skrifa undir, síðan sendum við á hverjum föstudegi blaðið til Vikargruppen.


Æi, þetta er örugglega hundleiðinlegt og aðeins of mikið um mína vinnu. Anna verður þá bara að blogga um sína reynslu í mötuneytinu ;)

Svanhvít Sjöfn þreytta!

Sunnudagur í dag og er hann að mestu leyti búinn að fara í leti, eins og svo margir sunnudagarvilja alltaf láta mann gera !

Við fórum í afmælisveislu til Jódísar litlu á laugardaginn og voru þar saman komin fullt af Íslendingum. Eins og það var gaman að fylgjast með litlu krílunum borða súkkulaðikökur og sprengja blöðrur þá vildi athyglin samt fara að miklu leyti út á götu þar sem mikil mótmælaganga og læti fóru fram. Ungdomshus fólkið er enn og aftur farið á stjá og ætluðu þau að yfirtaka tómt hús sem er mjög stutt frá blokkinni hjá Kristínu og Kára(foreldrum Jódísar). Fyrst vorum við bara úti í glugga að fylgjast með göngunni því fólk var klætt í alls konar búninga og dundi mikil tónlist og læti út um allt hverfið! Það var saman komið ekkert smá mikið af fólki, alls kyns fólk, ungt sem gamalt. Það voru löggubílar út um allt í kringum þetta og greinilega mikil gæsla. Allt í einu sáum við að allt fólkið fór að streyma til baka! Við skyldum ekki hvað var í gangi og fórum út til að kíkja aðeins á þetta. Þar sáum við að allir voru búnir að reyna að setja klúta og peysur fyrir munn og nef og flýttu sér til baka. Löggan hafði spreyjað táragasi yfir allt saman! Við sáum t.d. svo börn koma grenjandi með foreldrum sínum því táragasið fór út um allt og það er svakalegt að lenda í þessu. Allt í einu bara búmm, fann ég gasið koma og mann sveið strax í augun og hálsinn, þannig að við hlupum bara inn aftur! Það voru hunduðir manna handteknir og e-r leiðindi voru í gangi! Öll umferð var stopp á þessu svæði og eftir að allir fóru til baka ákváðu þau að fara út að hraðbrautina þannig að allt var stopp þar líka. Enginn strætó gekk á svæðinu þannig að við þurftum að labba frekar langt í metro til að komast til baka heim. Það á eftir að koma í ljós hvernig þetta fer allt saman en þessir krakkar virðast ekkert ætla að gefast upp! 

Jói er búinn að vera hérna um helgina hjá okkur og tók hann með sér nokkra vini sína úr skólanum sem hann er í. Tvo íslenska stráka og tvo pólverja. Við fórum út að dansa í gær og já, við fórum sko að dansa!! Þetta var sko alvöru, ég hef aldrei dansað svona mikið og aldrei svitnað svona mikið! Einn pólverjinn er eróbik-kennari og mjög svo áhugaverður karakter! Hann er búinn að læra ferðamálafræði held ég og er ekki eins og flestir pólverjar sem maður er vanur! Hann kunni sko að dansa! Hann tók mig að dansa og mér leið eins og ég væri í myndinni Along came Polly í salsaatriðinu:) hahahah, hann gjörsamlega strjórnaði manni og eg sveiflaðist fram og til baka í takt við ómótstæðilegar hreyfingar pólverjans! Ég henti Önnu að sjálfsögðu svo í fangið á honum svo hún fengi að upplifa það að dansa við strák sem KANN að dansa! Þetta var rosa gaman og þakka ég guði fyrir að hafa verið í svörtum kjól! Annars hefði maður ekki litið vel út, reeeeeeennandi sveittur! Þeir eru búnir að vera að skoða sig um í Kaupmannahöfn um helgina og fara í fyrramálið aftur uppeftir á Jótland.

Frá fallegu íbúðinni okkar er það að frétta að okkur líður alltaf betur og betur hérna. Erum búnar að gera þetta aðeins meira kósý. Fórum í IKEA og eins og fólk kannast við fann maður sko fullt af sniðugu dóti þar. Það er frekar ljótt teppi á gólfinu, alls staðar nema í eldhúsinu og á klósettinu(núúúú???:)) en Anna fékk þá sniðugu hugmynd að kaupa stóra mottu á gólfið inní stofu og það er allt annað! Anna er að fríka út af öllum pöddunum og kóngulónum sem hún sér...einhvern veginn tekst mér að taka ekki eftir því sem hún sér fyrr en hún sýnir mér það, þannig að mér er troðið innar í rúminu því það er allt morandi í kóngulóarvefum,hehe:) Fröken ryksugubani er notaður til að fjarlægja svoleiðis óþverra!

AF ATVINNUMÁLUM er það að frétta að við sendum ferilskrárnar okkar í póst á fullt af stöðum á föstudaginn og svo skráði konan okkur líka þarna á netið og við erum búnar að senda e-mail á nokkra staði líka. Fengum strax hringingu frá Bianco skóbúðinni en þá hélt hann að við töluðum 100% dönsku, þó svo að annað kom fram á ferilskránum þannig að það gekk ekki! En svo erum við að fara í viðtal á rosa flottan veitingastað á Nýhöfn á morgun. Hann veit að við tölum ekki dönsku og að við viljum helst vinna á sama stað en hann vildi samt fá okkur, þannig að ég vil að þig hugsið vel til okkar á morgun, við vonum það besta :)

Já,híhí, ástæðan fyrir því að ég er að blogga héðan úr íbúðinni okkar á Augustegade er sú að ég prófaði að kveikja á tölvunni og þar sem við búum í blokk var fullt að networks en flest þeirra að sjálfsögðu læst...en einn þeirra er soldill kjáni greinilega að vera með opið, þannig að svona blankar, en heppnar stelpur eins og við, vorum aldeilis glaðar með kjána-nágrannann okkar ;)

Ég ætla að setja inn myndir:)

Svanhvít

 

Daguirnn í dag er búinn að vera fínn.
 Ég vaknaði(eins og ALLTAF) á undan Önnu og fór niður í búð að kaupa beyglur og ost og svona til að færa Önnu góðan morgunmat. Það reyndar endaði með því að ég borðaði ein morgunmatinn(eins og ALLTAF) af því að Anna gat ekki drullað sér á fætur(eins og ALLTAF) :)

Ég fékk símtal frá Hard Rock og við vorum boðaðar í viðtal á föstudaginn. Ég fór inní herbergi til Önnu og sagði henni fréttirnar og þá loksins vaknaði hún !

Eftir smá tíma settumst við á hjólin og hjóluðum niðrí bæ. Röltum aðeins þar um og þar tókst mér að kaupa mér jakka og bol...ég ætlaði ekkert að versla en ég sá það að þetta væru góð kaup í þetta skiptið:P ,,Nei ég meina Anna, þetta eru góð kaup, ódýr jakki en ég veit ég á eftir að nota hann mikið". Ein að reyna að sannfæra sjálan sig í leiðinni:) 

Svo var ég ekki búin að segja ykkur að við villtumst í fyrsta skipið smá í fyrradag...ætluðum að hjóla e-a aðeins öðruvísi leið heim og allt í einu sáum við það að við vorum komnar soldið mikið út úr...en það var ekkert stress í gangi...bara gaman að villtast smá:) Ég verð samt að viðurkenna það að ef Anna þekkti ekki aðeins til hérna þá væri ég soldið "lost" stundum af því að það er svo mikið einhvern veginn allt alveg eins, öll húsin og svona, snýst í hringi stundum.

Það er búið að bjóða mér að kíkja á basket æfingar með strákunum í Guðrúnu, íslendingafélaginu hérna í Köben... ég er alveg að vera geðveik á engri körfu en þetta eru bara stákar. Þetta er bara tvisvar í viku og ekkert alvarlegt sögðu þeir. Ég er svosem vön því að spila bara með strákum heima á Patró,hehe :)

Fórum á tónleika með Fríðu, vinkonu Önnu, í Tivoli á föstudaginn. Tónleikarnir voru með Nick og Jay sem eru gríðarlega vinsælir hérna í Danmörku af unga fólkinu....ég get ekki sagt að þetta hafi verið það besta sem ég hef heyrt og það fyndna við þetta var að við Anna vorum að gera grín af e-u lagi um daginn. Ég kom labbandi úr e-i búð þar sem eitt klígjulegasta lag í heimi hljómaði á meðan fólk var að versla. "Jeg kommer hjem i nat, lalalala" og neinei, byrjaði það ekki að hljóma og allar 14 ára stelpurnar öskruðu úr sér líftóruna.AAAAAAAAAA!!!!

Dæmi um textana í lögunum hjá þessum einstaklega töff fyrum:

"Jeg elsker dig, jeg elsker dig,men elsker du virkelig mig"
"I lovja, i lovja, I fríkin fokkin lovja"
"Du er so lega, lega, lega, lega, lega" Sem þýðir ómótstæðileg eða flott.

Skemmtilegt.


Jæja, ég hef ekki mikið meira að segja. Anna lúði segist biðja að heilsa öllum sem kíkja hérna inn.

Ég segi bara:

RÉTT UPP HENDI SEM VILL AÐ ANNA BLOGGI BARA SJÁLF?!?


Bless :)

Kæru lesendur, ekki örvænta, við erum hér!

- Við erum ekki búnar að koma okkur fyrir í Christianíu og fá vinnu við að selja hass á götum Kaupmannahafnar

- Við erum ekki búnar að fá vinnu í einum af milljón talíbana-kebab-sjoppunum hérna

- Við höfum ekki afrekað að ræna gömlu tjaldi frá Roskilde og búnar að koma okkur vel fyrir í krúttlegum almenningsgarði í úthverfi Køben

- Við erum ekki farnar að hjóla um á fínu hjólunum okkar í pinnahælunum og þröngu gallabuxunum með nærbuxurnar til sýnis fyrir alheiminn.

 Heldur erum við bara hér:)


Ekki er mikið að frétta frá okkur þessa dagana fyrir utan atvinnuumsóknir, óhollustu, svefn, samkynhneigð og skaðbrennda rassa:)

Atvinnuumsóknir:

Já, við erum búnar að vera að sækja um á hótelum, rengøringsfirmum og veitingastöðum. Ég fékk aftur símtal frá einu reyndar mjög fínu hóteli sem ég hafði sent e-mail til og þau buðu okkur hlutastarf...ég sagði við hana að við værum helst að leita af fullu starfi en hún ætlaði að geyma umsögnina hjá sér. Svo fórum við á vetingastað sem okkur var bent á að fara sem er við Tivoli. Hann er i tivolikeðjunni en er líka opinn samt allan veturinn! Við komum tarna inn og báðum um yfirmannin, sem kom svo í ljós að var Íslendingur. Sem var gott :) Við erum allavega búnar að senda henni ferilskrárnar okkar og við vonum það besta. Þetta eru mjög langar vaktir og erfið vinna sagði hún, en samt sem áður örugglega mjög gaman. Fullt af ungum krökkum og skemmtilegur mórall sagði hún. Það tekur kannski nokkra daga í að hún hringi í okkur...

Óhollusta:

Mikið er búið að borða af EKKI hollum mat! Alltaf er markmiðið sett á að hætta því en eitthvað gengur það nú rólega... Vonum að þegar maður( já þegar) er kominn í rútínu að það breytist!!!


Svefn:

Aldrei hef ég fengið að sofa svona mikið út á hverjum degi eins og upp á síðkastið... Sem er gott...nema...að ég sef eins og vanalega ekki vel á nóttunni á svefnsófanum sem við erum í...við prófuðum að taka dýnuna úr og setja hana á gólfið í nótt, það var miklu skárra!

Samkynhneigð:

Annað hvort löðumst við Anna svona rosalega mikið að gay fólki eða þá að innst inni eigum við eftir að koma úr skápnum. Hmmm? Fyrst þegar við loksins fundum einhvern skemmtistað sem var skemmtilegur og ekki litlir strákar með þrjár geltúpur í hausnum, sem gætu drepið mann með hárinu, eru morandi í þá furðuðum við okkur á því hversu rosalega mikið hlutfall af karlkyninu væri þarna inni...okkur fannst það kannski ekkert svo slæmt þar sem óvenjulega mikið af þeim var afskaplega myndarlegt. Jújú, eftir aðeins lengri viðveru, og já, ég get sagt það, smá svekk, að minni hálfu, kom það í ljós að þetta var gaystaður! Djöfull! :)
Okei, allt í lagi með það, við fórum þangað samt aftur í þeirri von um að hommarnir hlytu nú að eiga gagnkynhneigða vini...nei segi svona. Næsta skiptið var þannig að við lentum á spjalli við e-a Norsara, já það var ágætt....fyrir utan það að jahhh...sumir þeirra voru ómeðvitaðir um kynhneigð sína(að okkar mati) þá fengum við spurningu sem ég hef ákveðið að setja ekki hingað inn á veraldarvefinn, en þið vitið, tveir strákar og ein stelpa.... DRULLUM OKKUR HÉÐAN Í BURTU! hahahaha! Svo á mánudaginn ákváðum við að kíkja á kaffihús og fá okkur einn öl..ákváðum að fara á stúdentabar sme við höfðum heyrt að væri ódýr bjór á...Eftir smá spjall þar og fínerí, kemur gæi upp að eyranu að mér: "Do you like boys or girls?".... Jahh, eftir smá umhugsun, hahaha, sagði ég: "boys", þá sagði hann okei hot...og labbaði í burtu! Þegar við löbbuðum út stóð á skilti fyrir utan, Gay night on mondays! Gat nú verið :)

Skaðbrenndir rassar:

Við Anna ákváðum að skella okkur í ljós, svona aðeins til að fá hita í kroppinn. Já, hita í kroppinn!! Það fengum við sko aldeilis! Ég hef aldrei lent í þessu áður, við áttum báðar erfitt með að sitja á bossalingnum um kvöldið og vorum berandi aloe vera á rassinn á hvor annari:)

jæja, núna held ég að ég sé búin að bulla nóg. Ég vil taka það fram að ég þarf að viðurkenna það að ég hef stundum, bara ööörlítið,verið að ýkja sögurnar, en samt sem áður er þetta að mestu leyti sannar sögur:)

I kvöld erum við svo heppnar að fá að vera í íbúðinni hjá systur hans Jóa í 10 daga, sem við erum mjög þakklátar fyrir:)

Bið að heilsa,
Svanhvít í ruglinu